DALADALA IRINGA MJINI ZATIKISA KIBERITI ZAGOMA KWA MUDA

Madereva wa mkoani Iringa wanaoendesha magari ya kubebea watu almaharufu kama daladala wamefanya mgomo wa kutopakia abiria kwa kile kinachosemekana kuwa wananyanyaswa na askari walioko barabarani.

Akizungumza na mtandao huu wa www.matukiodaima.com mmoja wa madereva hao bwana Bisheni Mgwilanga alisema kuwa trafki wanataka gari ipakie levo siti na hakuna mtu au abiria kusimama kitu ambacho hakiwezekani kwa wao na hata abiria pia.

 

“lengo la kurundika magari hapa sisi kama sisi tunalilia haki kwa hawa askari wanaolinda usalama barabarani  wanatunyanyasa sana wao wanatuambia tupakie levo siti na ukiangalia tajiri anataka elfu sabini mafuta tujaze ya elfu tisini na rooti tunazokaa kituoni tunaenda mara tatu kwa siku kiasi kwamba huwezi kupata hata laki moja na thelathini hapo unategemea bosi utampelekea nini?, 

 

ukijaza gari kiasi cha kawaida tu ukifika hapa wanaposimamaga maeneo ya darajani wanatusimamisha wanatuambia tumejaza sana na wanachukua elfu thelathini inabaki laki moja tajiri unampa 70 yake inabaki 30 hapo mafuta bado mimi sijapata ela ya kuacha mezani watu tuna wake na watoto sasa tumechoka tunataka haki hapa, tunahitaji watuitie RTO tuongee nae” alisema bwana Mgwilanga.

 

Mtandao huu haukuishia kwa madereva tu ukapanda mpaka kwa Sumatra na kutaka kujua ni taratibu gani gari aina ya daladala inayofanya mizunguko yake maeneo ya hapa karibu na upoje katika kubeba abiria? Tulipofika ofisi za Sumatra tulikutana na Afisa mfawizi wa Sumatra bwana Rahim Kondo ambapo alisema kuwa hakuna gari inayofanya kazi maeneo ya karibu na mjini ambayo haikuruhusiwa kusimamisha abiria bali dereva anaruhusiwa kupakia abiria wanaoweza kukaa katika hilo gari na mlango ukafungwa vizuri pindi wanapoianza safari yao.

 

“ tukisema magari yapakie levo siti itakuwa ni balaa maana abiria hawatoisha mjini kwani wapo wengi sana ila tulichowaambia wapakie abiria wanaoweza kuwabeba na wahakikishe milango ya magari yao inafungwa hapo sisi hatutakuwa na kesi yeyote kwa dereva kama akifanya hivyo, amepakia abiria wake na mlango kaufunga wala haina shida kwani daladala zetu zinatembea kituo hiki na hiki kasimama  anashusha abiria wake basi anaendelea na safari yake tofauti na magari yanayoenda umbali mrefu wao haturuhusu kusimamisha abiria hata siku moja kwani tunaogopa ajali zisizotarajiwa” alisema bwana Kondo.

 

Hata hivyo alisema endapo kama kuna dereva atapakia abiria mpaka mlangoni na kushindwa kufunga mlango basi akikamatwa ni haki yake maana kakiuka masharti yaliyoandikwa katika leseni aliyopewa na Sumatra.

Mpaka inafika jioni bado magari yaendayo maeneo ya Cagrielo, Kiwandani na Igumbiro hayakurudi kazini na kwa upande wa magari yaendayo Kihesa, Tumaini, Mkimbizi na kwingineko yao yalianza mgomo mida ya alasiri baada ya viongozi wao bwana Walter ambaye ni kiongozi wa magari yaendayo cagrielo, kiwandani na igumbiro pamoja na bwana best kiongozi wa magari yaendayo kihesa, tumaini na mkimbizi kushikiliwa na polisi kwa muda lakini waliachiwa na magari yakarudi kazini kama kawaida.

 

NA DIANA BISANGAO WA MATUKIO DAIMA.COM, IRINGA