MAAMBUKIZI YA VVU YASHAMIRI MIJINI KULIKO VIJIJINI...HAYO YAMEBAINIKA KATIKA WARSHA ILIYOANDALIWA NA SHIRKA LA ARIEL GLASER PEDIATRIC AIDS HEALTHCARE INITIATIVE(AGPAHI)

MWENYEKITI WA BARAZA LA WATU WANAOISHI NA VIRUSI VYA UKIMWI NCHINI (NACOPHA) BWANA VITALIS MAKAYULA.

Imeelezwa kuwa kasi ya maambukizi ya virusi vya ukimwi katika maeneo ya mijini ni kubwa kuliko maeneo ya vijijini hali inayosababishwa na mwingiliano wa watu na shughuli za kiuchumi.

Hayo yameelezwa leo jijini Mwanza na mwenyekiti wa baraza la watu wanaoishi na virusi vya ukimwi nchini Vitalis Makayula katika warsha ya siku tatu ya watu wanaoishi na virusi vya ukimwi iliyoandaliwa na shirika la AGPAHI.

Makayula amesema kuwa kwa sasa maeneo ya mjini kasi ya maambukizi ya virusi vya ukimwi ni asilimia 7.2 tofauti na vijijini ambayo ni asilimia 4.3.

Akielezea mikoa yenye maambukizi makubwa Makayula ameitaja kuwa ni pamoja na Njombe yenye asilimia 14.8,Iringa asilimia 9.1 na Mbeya yenyeasilimia 9.0.

 

AFISA MRADI KUTOKA SHIRIKA LA AGPAHI BI CECILIA YONA AKIWA NA MR ATUGONZA KUTOKA JIJINI DAR ES SALAAM.

Akitoa malengo ya warsha hiyo Afisa mradi wa mpango wa watu wanaoishi na virusi vya ukimwi kutoka shirika la AGPAHI Bi Cecilia Yona amesema ni kupata uelewa wa shughuli za hospitali za rufaa pamoja na kushiriki mipango ya shughuli za ukimwi katika ngazi za vijiji hadi wilaya.

Awali akifungua warsha hiyo Meneja wa mradi kutoka shirika la AGPAHI Shinyanga Dr.Gastor Njau amesema kuwa warsha hiyo ni muendelezo wa kuwapa elimu WAVIU ili kuendelea kusaidia kutoa huduma kwa watu wanaoishi na virusi vya ukimwi.

MENEJA MRADI WA SHIRIKA LA AGPAHI SHINYANGA DR GASTOR NJAU AKIWA KATIKA WARSHA.

			View on 3.bp.blogspot.com	Preview by Yahoo

AFISA MAWASILIANO NA HUDUMA ZA MKOBA KWA  JAMII WA SHIRIKA LA AGPAHI BI JANE SHUMA,AKITOA UTANGULIZI WARSHA HIYO.na mwandishi wetu blog kanda ya Ziwa Bw Wiliam Bundala