Akizungumza
na mtandao huu wa www.mwandishiwetublog
ofisini kwake leo Mganga mkuu wa Manispaa ya Iringa Daktari May Alexander
alisema kuwa katika kipindi hiki Halmashauri ya Manispaa ya Iringa ipo katika
mikakati ya mwisho ya kushiriki mashindano ya usafi wa mazingira na afya katika
ngazi ya Kitaifa katika mwaka 2013/2014 ambapo mashindano hayo yanaratibiwa na
Wizara ya Afya pamoja na Ustawi wa Jamii yakishindanisha ngazi nne ambazo ni
Halmashauri ya Wilaya, Miji, Manispaa pamoja na Majiji ambapo mashindano hayo
hufanyika kila mwaka na katika kila mkoa.
Dakatari
May alisema lengo kuu la kushindanisha mashindano haya ya usafi ni kuleta
msukumo wa kufanya miji iwe misafi ambapo Iringa imekuwa ikifanya vizuri kila
mwaka ambapo iliweza kushika nafasi ya pili katika vipindi mfulululizo huku
nafasi ya kwanza ikichukuliwa na jiji la Moshi.
“Iringa
imekuwa ikifanya vizuri kwa kushika nafasi ya pili kwa mfululizo kati ya
Halmashauri kumi na nane hata hivyo mwaka huu Halmashauri imeendelea na
mikakati ya kuboresha usafi kwa kusimamia huduma za usafi wa mazingira
yanayotuzunguka ambapo tumekuwa na vigezo tunavyotumia katika ufanyaji usafi
kama kuondoa takataka zinazozalishwa majumbani, stendi, masoko na Taasisi
mbalimbali, sisi kama halmashauri tumejipanga vizuri tuna magari mawili kwa
ajili ya kusafilishia taka kutoka maeneo hayo na kuyapeleka dampo pia
tumesambaza makontena ya kuwekea taka maeneo mbalimbali ya manispaa yetu”
alisema Daktari.
Pia
alisema takwimu inaonyesha wakazi wa Manispaa ya Iringa huzalisha tani 108 za
taka ngumu kila siku ambapo kati ya hizo tani 48 zinatoka katika makazi ya
watu, tani 33 kutoka katika biashara na viwandani, tani 21 kutoka katika
masoko, stendi na maeneo ya wazi na tani 6 zinatoka katika taasisi mbalimbali
hivyo halmashauri imejenga vizimba vya kuhifadhia taka katika baadhi ya maeneo
ambapo kwa siku halmashauri inaweza kuondoa taka kwa wastani wa asilimia 76 za
taka.
“sisi
kama halmashauri tumejiwekea utaratibu wa uzoaji taka ambapo tunatumia njia
tatu ambazo moja ni kupitia vikundi vinavyojishughulisha na usafi ambapo wao
huchukua taka kutoka kwa wazalishaji na kuzipeleka katika sehemu za kuhifadhia
taka yani kwenye yale makontena, pili kwa maeneo yaliyopo pembezoni mwa mjini
kama maeneo ya Nduli, Igumbilo, Kitwiru, Itamba, Mgongo na Mkoga wananchi wa
maeneo hayo tunawashauri wachimbe mashimo ya kuhifadhia taka ambapo zikijaa
nyingine zinachoma na mwingine anaweza akafukia shimo hilo na kuchimba shimo
lingine kwa ajili ya kuhifadhia taka hizo, na njia ya tatu tumeweka mapipa ya
kuhifadhia taka ambazo zinapatikana maeneo ya stendi na baadhi ya maeneo ya
barabara ambapo wananchi hutupa taka zao kwenye mapipa hayo na baadae
yakishajaa tunayachukua na kuyapeleka katika makontena tayari kwa kupelekwa
dampo” alisema.
Mpaka
sasa Halmashauri ya Manispaa ya Iringa imeshakarabati makontena kumi ambayo
yalikuwa yameharibika, imejenga uzio katika makaburi ya makanyagio, imeweza
kushindanisha mitaa na kata 16 zote zilizopa katika manispaa na kupitia
mashindano hayo walipatikana washindi ambapo mshindi wa kwanza ni kata ya
Gangilonga ikifatiwa na Mlandege nay a tatu ni Kitanzini, pia imeweza kuanzisha
vikundi vinavyojishughulisha na usafi katika kata nne na imeweza kununua gari
la kubebea taka litakaloingia mda wowote kuanzia sasa ambapo gari hilo
limegharimu taklibani milioni 280 pia halmashauri imeweza kukarabati gari la
unyonyaji maji taka ambalo wakati wowote kuanzia sasa litaanza kufanya kazi na
pia ikokatika hatua za mwisho za ukamilishaji wa machinjio ya kisasa ambayo
yanatarajiwa kuanza kutumika hivi karibuni.
Hata
hivyo mashindano hayo yanatarajiwa kuanza wiki ijayo kwa hapa manispaa ya
Iringa ambapo Daktari May ametoa wito kwa wakazi wa manispaa hii kuhakikisha
wanayafanyia usafi maeneo yanayowazunguka na pia kutoa ushirikiano kwa maafisa
afya pindi wanapopita kuwashauri juu ya kufanya usafi.
NA
DIANA BISANGAO WA MATUKIO DAIMA.COM, IRINGA.
Hakuna maoni:
Chapisha Maoni