MSANII MSOMI WA CHUO KIKUU IRINGA AOMBWA KUMVAA MBUNGE KIGOLA MUFINDI KUSINI

Mbunge Mendrady Kigola

Bw Albart Chalamila 

WAPIGA kura wa  jimbo la Mufindi  kusini mkoani Iringa wameeleza kuchoshwa na utendaji usio  wa kiwango wa  mbunge  wao wa sasa Bw Mendrady Kigola na zipo  taarifa  cha chini ya kapeti  kuwa  anayeandaliwa  kumrithi nafasi hiyo ni mwalimu wa  chuo kikuu cha Iringa Albart Chalamila .

Chalamila ambae amekuwa juu kwa kujizolea umaarufu mkubwa mikoa ya nyanda za juu kusini kutokana na kutoa wimbo wake  wa Mufindi yetu  unaoelezea kilio  cha wana Mufindi kwa kukosa maendeleo  wakati wilaya  hiyo inaongoza kwa kuwa na miti na utajiri mkubwa  ni msomi mzuri ambae anatajwa kuombwa na wana Mufindi kuongoza jimbo hilo.

Watu wa karibu na Chalamila  wanadai japo  bado mwenyewe hajaamua  kugombea  ila  wanaendelea  kumuomba  ili aweze  kuingia katika  kinyang'anyiro  hicho ndani ya CCM na iwapo  chama  kitampitisha  wananchi wa jimbo hilo watamuunga mkono kutokana na mbunge wao Bw Kigola  kushindwa kuwajibika kuwaletea maendeleo.